Carnavaleiros de Barcala

ENTROIDO 2012 NEGREIRA

2012-02-08T17:27:00.000+01:00

Xa está chegando, xa está aquí Entroido 2012 Negreira

2012-02-02T18:51:00.000+01:00

O actor e humorista muradán, Víctor Fábregas Martínez, quen durante seis anos formou parte do xa mítico dúo humorístico «Os Tonechos», no seu papel de Tucho, xunto co non menos coñecido Roberto Vilar, vai selo pregoeiro das festas do Entroido 2012 de Negreira, cuxo programa abrirase o venres, día 17 pola noite, co baile amenizado pola orquestra PANAMÁ na carpa instalada na Praza do Concello, e cuxa xornada grande terá lugar o sábado de Entroido, día 18 de febreiro pola tarde, co tradicional desfile e concurso de carrozas e comparsas, ca este ano conserva a mesma cuantía dos seus premios: CARROZAS COMPARSAS IND./PARELLAS GRUPOS 1º 1.000 1º 1000 1º 150 1º 250 2º 600 2º 600 2º 100 2º 150 3º 300 3º 300 3º 50 3º 100 4º 150 4º 150 1º accésit 100 1º accésit 100 2º accésit 100 2º accésit 100 Premio á mellor copla: 60 eurosUnha vez rematado o desfile de carrozas e comparsas, comenzará a actuación do grupo musical TRIUNFO na Praza do Concello, lugar da entrega final dos premios. DOMINGO DE ENTROIDOA partir das sete da tarde, celebraráse no Centro Sociocultural, o baile e concurso de disfraces para os maiores, amenizado polo Dúo Rosán. - Premio á mellor parella: Unha cea para 2 persoas no restaurante Casa Barqueiro- Premio mellor disfraz: Unha cafeteira Dulce Gusto- Premio mellor caracterización: Un lote de botellas de viñoLUNS DE ENTROIDOBaile infantil e concurso de disfraces no Centro Sociocultural, con entrada a partir das 17 horas, e comenzo do desfile unha hora máis tarde.Premios categoría A (1 a 6 anos):1º - Cheque agasallo por valor de 100 euros2º - Lote xogos didácticos3º - Lote librosPremios categoría B (7 a 16 anos):1º - Vídeo Consola Wii2º - Cámara dixital fotos3º - Un MP4

Fotos Paellada Carnavaleira

2011-04-24T23:50:00.001+02:00

Pinchade na foto para acceder ás fotos.

Paellada Carnavaleira

2ª parte

2011-04-24T23:47:00.002+02:00

Entroido 2011 Actuación diante do Concello 1ª parte

2011-04-24T23:09:00.002+02:00

Merengue de Barcala, Carnavaleiros de Barcala na TVG, Entroido 2011

2011-04-11T11:44:00.002+02:00

En exclusiva o vídeo dos Carnavaleiros de Barcala no programa A Solaina da TVG:

15 ABRIL FESTA XUVENTUDE ORDOESTE

2011-04-09T17:09:00.000+02:00

ESTE PRÓXIMO VENRES DÍA 15 DE ABRIL FESTA EN ORDOESTE, ESTADES TODOS CONVIDADOS.

COPLAS ENTROIDO 2011

2011-03-08T11:16:00.001+01:00

MERENGUE DE BARCALA (Ó NOSO MESTRE ENTROIDEIRO JUAN VARELA)
(Música Los Satélites)

Escoiten señores o que lles quero contar
Eu son de barcala, dun sitio moi singular
Témola festa do ano máis peculiar
Imos po entroido a bailar e a rachar

Xente ás moreas miran no campo da feira
Debaixo dos arcos rindo, tamén na carreira

Con comparsas e carrozas, non temos nada igual
A comparsa maís caralleira: “ os do val”

Se te pillo na arieira polo entroido de negreira
Tentarei darche unha frega e levarche pa xesteira

Dende o pao do raposo
Ahí empezounos todo
(instr.)

Se te pillo na arieira polo entroido de negreira

Feiras, festas e mercados hai temos na vila
Pero como os de barcala nunca tal se vira

Se te pillo na arieira polo entroido de negreira
Tamén lle chaman a gran vila do cotón
Se te perdes nela, hai usa o tomtón
(instr.)

Tentarei darche unha frega e levarche pa xesteira

Espero que veñas se non ves vouche a buscar
Ó entroido de negreira
Remata o merengue sabroso para bailar
No entroido deste val

VOLVER, VOLVER

Son un home traisionado
Ando todo alborotado por volver
Vou camiño do concello
Aínda que algúns me chamen vello
Ei volver
Deixamonos xa fai tempo
Pero chegoume o momento
De volver
Ti tiñas moita razón
Fágolle caso ó corasón
…
Ay que morro por volver
Ei volver volver volver
Ó concello outra vez
A maceiras bicarei,
Para volver, quero volver
Quero volver volver volver (instr)

Andan co conservatorio
Faltando un purguratorio para encher
De homes moi traisioneros,
Pecadores, embusteros
…
Adovezo por volver
E volver volver volver
A alcaldía outra vez

Aínda que me entre o estrés
Non sei perder, non sei perder
Quero volver polo interés
Aínda que me entre o estrés
Non sei perder, non sei perder
Quero volver volver volver

QUE CHE PASA

Que che pasa, antonio, que che pasa
Preguntan na cachurra e tamén na túa casa

Ata agora o soubo de repente
Vaille pili noutra lista
Sin aguera estar presente

Ay piliña, a do pin
Ay que rompecorazones
Mira non me abandones
Polas túas pretensiones

Nin ó entroido quere vir xa
Non se divirte con nada
Din que anda jorge detrás
Pa levala na súa manada

De recordo, gardas un gran disgusto
Cando a mete na lista alá de posto segundo
Jorge dalle, se ela ben quixera
Ai carallo non me extraña que se aburra do aguera

Ay piliña, a don pin
Ay que rompecorazones
Mira non me abandones
Polas túas pretensiones

Anda rey maceira detrás
Blanco tamén todo o día
Pero o que él quere ter
É por fín a alcaldía

QUE TONTERÍA

Que tontería, decindo o que non había
Cando todo mundo sabe que eu nunca che traisionaría
Que tontería, decindo que non nos queres, cando me aseguraches que querìas levar ó das peles

Mira que eu non fun pa nada
Quen che dou a puñalada
Vente conmigo na lista
E non sexas egoísta
Serei o rei das traídas, das escolas e das sillas
Terás a concellería, de obras e chatarrería
Moi contento as de estar, que ven te vou a tratar

Que tontería, decindo o que non había
Cando todo mundo sabe que eu nunca che traisionaría
Que tontería, decindo que non nos queres, cando me aseguraches que querìas levar ó das peles

Levareiche a inaugurar
A miña correduría
Non a podo estrear senón gaño a alcaldía
Soio me falta poñer unha mesa e unhas butacas
Como eu gañe as eleccións xa sei onde encontralas (2)

Que tontería, non lle fagas caso á xente
Que din que levo a furelos de concelleiro de medioambiente
Manda carallo que berlusconi e furelos andan xuntos pola vila con outra lista independente

Senón me como un roscón
Que se coce no cotón
Doulle un toquiño ó do fax
Para empezar a dar gas
E dín que vou tolear, que para poder estar
A antonio irei levar, a blanco vou repescar
E o bloque vou conquistar para podelas gañar

Que tontería, non lle fagas caso á xente
Que din que levo a furelos de concelleiro de medioambiente
Manda carallo que berlusconi e furelos andan xuntos pola vila con outra lista independente

POR QUÉ ME DICHES O VOTO, POR QUÉ

¿Por qué non me dís nada
Ti sabes, que eres a máis mimada(ay piliña)

Xa estás máis alonxada ti de mín
Ay non volvas ó pin

Parece que che da xa todo igual
Ata ó paseo fluvial

Nin coa pedrada a sede
Co atraco ó banco
E máis ó estanco

E non che importa,
Nin che move,
Nin provoca

E eu co teu apoio
Aínda manteño o bastón

Agora que levamos algún tempo
Xa che collín o tento ¡ay jorge!

A cambio do meu voto no pleno
Dechesme un bo sustento

Pero agora veñen outras eleccións
Teño outras ambicións

Agora empeza de novo
Se vai aguera
Cambio de acera

Que non che importe
Que a mellor dote
Sexa a que vote

Se queres o meu apoio
Vai soltando un pastón

Por qué me diches o voto por qué?
Por que me fas isto agora por qué?
Eu que cho din todiño, dime por qué e por qué

Eu non quero os teus cariños jorge
Eu quero mais cartiños jorge
Así que vai ó banco
Senón voume con blanco

SALTAREI

Nesta temporada de ereccións
Andamos como lambóns
Buscando o voto perdido debaixo ata dos colchóns

Uns vendendo rifas po sorteo, outros abrindo paseos, bebetecas e museos pa calar á oposición
Para conquistarvos, saltareiiiiiiiiiii
Saltarei por enriba de quen sexa para poder gañar as eleccións
Andarei as escuras nos camiños para sacarvos o votiño ay pasmóns

E direi o que a min máis me conveña facendo as veiriñas andarei,
E ben sei que coas miñas mentiriñas
Eu gañarei, e gañarei, e gañarei

Andamos todos adobecidos para ver quen inaugura
O polígono embruxado, éste si que non ten cura
Vainos vir ata o berlusconi, era o que nos faltaba
Éste tena como un poni, dios nos libre se a saca

Para conquistarvos, saltareiiiiiiiiiii
Saltarei por enriba de quen sexa para poder gañar as eleccións
Andarei as escuras nos camiños para sacarvos o votiño ay pasmóns

Poñereime como digas e queiras
Pa entregarche o sobre andarei
Se me apretas tamén eu chorarei
Canto contiño hai que facer para vencer

Saltarei por enriba de quen sexa para poder gañar as eleccións
Andarei as escuras nos camiños para sacarvos o votiño ay pasmóns

Para sacarvos o votiño ay pasmóns

XA ESTÁ AQUÍ

2011-03-02T18:25:00.002+01:00

Por Amor - Mariachi Vargas de Tecalitlan

2011-02-18T23:36:00.000+01:00

A Asociación veciñal "A Barcalesa" recorda a Juan Varela no medio ano do seu pasamento

2011-02-18T23:25:00.000+01:00

6 MESES SEN TI, A JUAN VARELA AREOSO

Ninguén coma ti contará xamais as historias das xentes de Barcala, ninguén saberá encandilar a xeracións e xeracións coas anécdotas do noso pobo, ninguén amará coma ti a nosa terra, a nosa Barcala.

Moitas xeracións de barcaleses medramos ó teu carón, coas túas troulas, co teu sarcasmo tan galego, coas túas falcatruadas, co teu carácter afable, coas túas bromas, coas túas risas...

Pequeniño, co teu pelo branco e o sorriso nos beizos, afable, agarimoso, sentimental, trouleiro, loitador, optimista, amigo dos teus, amante da terra,... así te lembraremos para sempre en Barcala.
En tódolos barcaleses deixas unha pegada importante. Un cacho de Barcala morreu contigo aquel 13 de agosto.

Amigo, levarémoste para sempre no noso corazón. Ti foches un lazo de unión entre nós e seguiralo sendo sempre.

Xamais esquenceremos o teu sorriso nos momentos de loita coa longa enfermidade a que lle foches gañando batallas e aquelas verbas de ánimo que ti nos dabas a nós. Esa forza que tiveches ata o último momento e que nos contaxiaches a todos os que che rodeamos.

Terémoste sempre presente en tódalas festividades que organice a AA.VV “A Barcalesa” pola que ti tanto loitaches e tanto traballaches coma socio, coma Presidente nos anos 90 e coma Vicepresidente estes últimos anos do teu estadío terrenal.

Cada festa de reis, cada sardiñada de San Xoán, cada Festa do Socio, cada actividade que se organice e cada traballo que se faga estarás con nós dende o ceo onde seguro que xa atopaches eses grandes amigos de Barcala que partiron antes nesta particular viaxe. De seguro que estarás tomando uns viños con Ardeiro e Joseíto Pensado, grandes amigos teus e desta terra barcalesa.

Vai por ti amigo! Vai por aqueles días de troula que pasamos en Pau de Raposo grazas ás túas verbas, ós teus chistes, as túas anécdotas reais, ás túas ideas para argallar cousas pola parroquia, ás festas e as tristezas que pasamos xuntos.

A túa imaxe sempre estará presente en Pau de Raposo e en Barcala nas mentes e nos corazóns de tódolos veciños, dende os máis vellos que notan cada día a falta daquel veciño agradable, simpático e cariñoso que os ía visitar, ata os máis nobos que recordamos como nos paseaches de pequenos, comos nos levaches da túa man a coñecer a historia de Barcala e aquelas anécdotas que só ti sabías contarnos.

Aínda que non esteas físcamente connosco sempre estarás presente en nós, nos nosos corazóns, no noso pensamento. Sempre haberá un recuncho no teu ben querido Colexio de Barcala adicado a ti. Vai por ti amigo!

ANTROIDO 2011 NEGREIRA

2011-02-15T18:08:00.000+01:00

• Venres 4 de marzo. Festa Infantil no C.E.I.P. O Coto.

Gran Festa Infantil de disfraces dos nenos do Colexio.
Ás 22:00 h. Actuación da orquestra LOS ESPAÑOLES na Praza do Concello (haberá unha gran carpa).
http://www.orquestaespañoles.es/

• Sábado 5 de marzo. Gran desfile de carrozas e comparsas.

Ás 16:00 h. Concentración no Campo da Feira.
Ás 17:00 h. Comenzo do desfile.
Ás 18:00 h. Pregón a cargo de MONCHO BORRAJO

Ás 19:00 h. Entrega de Premios na Praza do Concello.
Actuación da orquestra LOS SATÉLITES (haberá unha gran carpa).
http://www.lossatelites.es/

Premio a mellor copla: 60 €.

• Domingo 6 de marzo. Gran baile de disfraces para a maiores.

A partir das 19:00 h. no Centro Sociocultural, baile de disfraces a cargo do Grupo Ouro.

Premios:
Mellor parexa: Unha noite nun Balneario de Galicia para dúas persoas.
Mellor disfraz: Unha cea para dúas persoas no Restaurante Tamara.
Mellor caracterización: Unha cesta productos de Entroido.

• Luns 7 de marzo. Baile infantil de disfraces no Centro Sociocultural.

Ás 17:00 h. Entrada no Centro Sociocultural.
Ás 18:00 h. Comenzo do desfile do concurso.

Premios:
GRUPO A (1 a 6 anos)
1º Cheque regalo (valor 100 €)
2º Lote Xogos Didácticos.
3º Lote libro

GRUPO B (7 a 16 anos)
1º Ordenador Portatil
2º Camara de fotos dixital
3º MP4

Máis información: teléfono 981 885 886, e-mail: culturadeportes@concellodenegreira.es

ATA SEMPRE AMIGO

2010-08-18T19:57:00.001+02:00

<

Juan Varela Areoso, membro fundador da comparsa “Os Carnavaleiros de Barcala” faleceu este venres aos 57 anos de idade no seu domicilio do Pao do Raposo, en Barcala (A Baña). O sepelio celebraráse este domingo ás 19:00 horas na Igrexa Parroquial de San Xoán de Barcala.

O falecemento de Juan Varela supón unha pérdida moi significativa na vida social barcalesa, onde era unha persoa moi coñecida e moi querida. Concelleiro do municipio de A Baña nos anos oitenta e membro fundador da comparsa “Os Carnavaleiros de Barcala” na mesma década, Juan Varela será recordado polo seu carácter afable e o seu sentido do humor.

Ademais da súa implicación social e política no Concello de A Baña e na súa querida Barcala, para o recordo quedan as súas sarcásticas e irónicas parodias das personaxes relevantes da comarca nos Entroidos de Negreira e o municipio bañés. Durante máis de vinte anos, Juan Varela analizou e repasou coas súas coplas retranqueiras e imitacións memorables a vida política e social da comarca de Barcala. Os seus compañeiros e amigos lembran con agarimo a súa caracterización do Papa Juan Pablo II.

Juan Varela entendía o Entroido coma ninguén o fai hoxe en día, sempre con respeto e moito humor, sendo fiel á esencia desta festa sobranceira na que a sátira se realiza a través da lírica e a música, e non a través de disfraces fastuosos que non levan á reflexión. Así nolo transmitiu ás distintas xeracións que hoxe conformamos a comparsa dos Carnavaleiros de Barcala. E así seguiremos honrando a súa memoria por moitos anos, onde o teremos presente coma se estive ao noso carón, rindo e facendo rir coma tantas veces fixo ao longo deste tempo.

Compañeiro de fatigas do ilustre poeta barcalés Xosé Manuel Ardeiro, falecido no ano 2007, vaise unha persoa entrañable, un compañeiro, un amigo. Barcala enteira lembrará a figura de Juan Varela. Ata sempre.

23 DE ABRIL, FESTA EN ORDOESTE

2010-04-05T08:59:00.001+02:00

Novas fotos: Entroido 2006

2010-03-15T13:03:00.000+01:00

http://picasaweb.google.com/pacovilla04/Carnaval2006?feat=directlink

"O Polvorete" Carnavaleiros Entroido A Baña 2009

2010-02-20T12:57:00.001+01:00

O tractor de Manoliño, dirixe a maniobra Pinelo, A Baña 2009

2010-02-20T12:17:00.001+01:00

O NENO DA CACHURRA TOREANDO ENTROIDO A BAÑA 2009

2010-02-20T11:56:00.000+01:00

Fotos Entroido Negreira 2010

2010-02-20T11:17:00.001+01:00

entroido 2010 Negreira

Fotos Entroido A Baña 2009

2010-02-20T11:08:00.001+01:00

entroido 2009 A Baña 2009

NOVAS FOTOS NO ALBUM ENTROIDO 2009

2010-02-19T17:40:00.001+01:00

antroido 2009

Carnavaleiros de Barcala na TVG Entroido Negreira 2010

2010-02-17T00:48:00.005+01:00

VIDEO ENTROIDO NEGREIRA 2010

2010-02-15T11:10:00.002+01:00

Por xentileza de Val de Barcala.es

ENTROIDO NEGREIRA 2010

2010-01-28T12:41:00.001+01:00

Vivora e Porcona, pregoeiras do Entroido 2010

25/01/10. Parexa artística do programa de humor da televisión galega «Air Galicia», onde como dúas señoronas moi especiais, analizan a actualidade dunha maneira moi particular, Vívora e Porcona serán as pregoeiras do desfile do Entroido 2010, o vindeiro día 13 de febreiro (sábado).

Este dueto humorístico formano a santiaguesa Patricia Vázquez García «Porcona», dedicada ó teatro profesional, sendo unha grande coñecida de series de ficción da TVG como: Mareas Vivas, Pratos Combinados, e na actualidad eco seu papel de Lidia na serie Padre Casares.

E doutro lado temos a un estradense chamado José Manuel Rodríguez Puente «Vívora», máis coñecido artísticamente por «Isi», quen saltou á fama tras gañar o concurso televisivo «O Rei da comedia», sendo un habitual de espazos de humor, series e programas de variedades da Galega (Acompañenos, Luar, etc…).

Máis variedade

O venres 12 pola noite, haberá un concurso de disfraces individual e por parexas coa actuación do grupo musical Tekila. Premios: 200, 100 e 50 euros.

O sábado 13, despois do desfile que rematará á altura da praza do Concello (rúa da Cachurra), gran baile amenizado polo grupo Triunfo, e posterior fallo do xurado e entrega de premios do concurso de carrozas e comparsas.

O domingo 14, pola tarde no restaurante Tamara, baile de disfraces dos maiores de Negreira e comarca. O primeiro premio consistirá nun fin de semana nun Parador de Galicia.

O luns 15, pola tarde no novo auditorio do Centro Sociocultural da vila, concurso e baile de disfraces infantil.

II FESTA DA XUVENTUDE DE BARCALA. Os Pícaros de Barcala

2010-01-18T13:01:00.003+01:00

O DIA 19 DE FEBREIRO DE 2010 TERA LUGAR EN BARCALA A 2ª FESTA DA XUVENTUDE.
A VERBENA ESTARÁ AMENIZADA POR A ORQUESTA AMÉRICA ( NON A AMÉRICA SL PARA QUE NON HAXA DÚBIDAS) E O GRUPO ALCOTÁN.
A FESTA COMEZARÁ SOBRE AS 22:30.
HABERá INSTALADA UNHA GRAN CARPA NO RECINTO , OS ASISTENTES DISPORÁN DUN AMPLO APARCADOIRO Ó LADO DA FESTA. E COMO NON, TAMÉN UN GRAN BOCHINCHE CON BEBIDA A ESGALLA.
TAMÉN VOS DAREMOS DE COMER POR QUE TEREMOS UN POSTO DE BOCADILLOS.
ALI VOS ESPERAMOS.

Presentación da Plataforma Máis Música

2009-11-11T00:10:00.000+01:00

PRÓXIMAS ACTIVIDADES:

- VENRES, 13 de novembro: Xuntanza da Plataforma MÁIS MÚSICA para preparar as actividades inmediatas. Reunión aberta para todas as persoas e colectivos que queiran participar. Confirmación asistencia grupos e intérpretes á xornada musical do 22 de novembro en Santiago (20.30 h. Casa da Cultura de Negreira).

- XOVES, 19 de novembro: Acto literario-musical, presentación e firma do escrito coa petición do Conservatorio. Intervención de David Durán -director- e Fernando Rey -profesor- do Conservatorio Profesional de Música de Santiago. Actuacións musicais. Distribución dos carteis da Plataforma MÁIS MÚSICA (20 h. Casa da Cultura de Negreira).

- DOMINGO, 22 de novembro: A música da comarca barcalesa en Santiago. Nas prazas, rúas e locais da Compostela monumental, acompañando ós nosos músicos (na tarde-noite dese domingo, das 18 ás 24 h.).

....................................

..........(Deseño do logotipo MÁIS MÚSICA: Elena Paredes Sánchez, profesora de Debuxo no IES Xulián Magariños de Negreira).

XANTAR ANTROIDEIRO

2009-09-10T13:06:00.003+02:00

O sábado 19 de setembro, os antroideiros do Val de Barcala e amigos, imos a celebrar un xantar na Area Recreativa de Cobas.

Teremos misa solemne ás 13:30 oficiada polo párroco D.Juan Varela (nativo del "Palo del Zorro"), bombas de palenque e sesión vermout ofrecida polo DUO OSMAR. Pola tarde noite tamén contaremos coa actuación do grupo rock ROCKIN´13.

Despois teremos xantar con Pulpeira (pulpo, churrasco, viño postre e café)....todo por 25 € por persoa.

Teremos música, sorteos e carallada toda a tarde, ata que nos cansemos....

Haberá servicio de bochinche para que a xente non pase sede.

Podedes invitar a quen queirades.

Teremos un servicio de venda de tiquets por adelantado. Contactar con José Ramón 659001030.

Tamén estarán tickets á venda no Hotel Tamara, A Esmorga, Trisquel, O Arranca e Parrillada Val de Barcala.

ROCK EN A BAÑA VENRES 4 SETEMBRO

2009-08-29T11:15:00.000+02:00

PARA OS AFECCIONADOS Ó MOTOR

2009-07-21T17:48:00.002+02:00

Que na nosa comparsa hai uns cantos afeccionados ás dúas rodas.

I TORNEO DE FÚTBOL 7 DE BARCALA

2009-06-21T22:30:00.000+02:00

SÁBADO 18 DE XULLO E DOMINGO 19 DE XULLO OS PÍCAROS DE BARCALA ORGANIZAN O I TORNEO DE FÚTBOL 7

OS PREMIOS SERÁN OS SEGUINTES:
1º PREMIO....................1000 € + TROFEO
2º PREMIO.................... 500 € + TROFEO
3º PREMIO.................... 300 € + TROFEO

PRAZO DE INSCRIPCIÓN ATA O 17 DE XULLO ÁS 20 HORAS.
SORTEO O 17 DE XULLO ÁS 21 HORAS NO COLEXIO DE BARCALA.
TELEFONOS DE CONTACTO: 630.201.419 E 620.743.685 E NO E-MAIL: ospicarosdebarcala@hotmail.es
HABERÁ CHURRASCADA.

SAN XOAN EN LAÑAS

2009-06-12T19:52:00.001+02:00

Con motivo da proxima festa de San Xoan os amigos de Lañas queremos invitar a quen queira asistir a nosa festa que se celbrara o SABADO 20 a partires das 22 horas.
15 euro se veñen sos e 10 euros cada acompañante que traian. poden traer os que queiran.
pititos, entrantes, empanada, sardiñas, churrasco, viño do pais, pan de bola, refrescos, xogos populares, e cerraremos con unha gran queimada pa espantar as meigas de nos.
para amenizar todo esto habera un grupo musical que estara de parranda connosco toda a noite.
Para anotarse os telefonos 696523372 Xose Ramon e 679482624 Marcos Pena.

Festas de San Adrián en Barcala

2009-06-04T00:44:00.001+02:00

O 21 de Xuño festa de novo en Barcala da man dos Pícaros de Barcala. Nesta ocasión estarán connosco o Grupo de Gaitas OS CAMPANTES DE A BAÑA, o Actor da TVG Federico Pérez (JOSITO EN PADRE CASARES) para facer a tradicional subasta de polos e a ORQUESTRA PRINCIPAL.
Esperamosvos a todos na festa.

FESTAS EN SEOANE

2009-05-12T11:12:00.001+02:00

FESTA DOS MILAGROS

Grupo de Gaitas Os Castros

OS CASTROS actuarán xunto a Aramio en Barcala o próximo sábado 23 de maio na FESTA DOS MILAGRES. A Asociación Xuvenil "Os Pícaros de Barcala" está a organizar a Festa na Honra á Virxe dos Milagres.

A sesión vermut e verbena estarán a cargo do GRUPO ARAMIO e o bochinche estará aberto dende as 8 da mañá que hai a primeira misa.
NON PODES FALTAR!!!!!!!!!!!!!!!

CAMBIO DATA FESTA XUVENTUDE ORDOESTE

2009-04-16T20:10:00.002+02:00

A FESTA DA XUVENTUDE DE ORDOESTE PREVISTA PARA MAÑÁ VENRES 17 DE ABRIL, QUEDA APRAZADA ATA O DÍA 1 DE MAIO POLO MAL TEMPO.

III FESTA DA XUVENTUDE EN ORDOESTE 17 DE ABRIL

2009-04-02T23:59:00.005+02:00

haberá churrasco a esgalla, 8€ ración. Vinde todos a Ordoeste

2009-03-23T15:38:00.002+01:00

SEGUIMOS DE FESTA, FESTAZA EN A BAÑA O VENRES 27 DE MARZO.

Estivemos onte en Radio Negreira

2009-03-13T10:27:00.002+01:00

Onte 12 de marzo, Juan e Paco en representación dos Carnavaleiros de Barcala, foron entrevistados en Radio Negreira, para dar a coñecer a iniciativa para recopilar as fotos e vídeos da nosa comparsa que a xente que queira colaborar nos pode enviar á seguinte direccción carnavaleirosdebarcala@gmail.com ou a través de calqueira dos membros da comparsa.

Poema de Ardeiro, carnavaleiro que foi , adicado ó noso Val

2009-03-11T21:29:00.004+01:00

BARCALA

Nas tardes, adormécese o Val,
baixo unha tona de suavísima prata.
E cando os últimos símbolos do día,
cando desembocan en nós superficies de escumas,
pobóanse os locais do ocio e da concordia,
que se inundan de palabras e luz
sob un teito irreal de lenzos brancos.

A harmonía invade a noite coma un bálsamo,
coma in sentir interno, de sabor misterioso...

Fora, voa o perfume de floresta nun ar decadente
da luz, que aproxima aos seres, que arreda a desolación
das hora húmidas.

As noites, a calor do viño, o sabor seu que conforta
esbarando en cada padal , escorregando verbas,
voces coutadas, fértil saudade das derrotas,
un cerimonial escurecido en cada noite, e que lindo
na solemne hora dos encontros...

Hai un alumiado calor de mostradores,
familiares olores coñecidos,
fragantes mornuras illadas, tan preciadas
na súa propia esencia terreal que nos invade.

Solar antigo e duro
de pedra e de fervor queimando o tempo,
transparente paraíso vexetal de craros e de sombras...

Aboian os outonos melancónicos, portadores de noite,
os xaneiros de entalados líquidos que se apretan amantes
contra a áspera terra xenerosa,
os veráns que firen as olladas coa luz
de desdebuxados soles nas quenturas estivais
e ofrecen noites recendentes a fiuncho e nostaxias.

Amamos isa esencia que con nós vai no tempo,
ise espacio gardado nas lentes da memoria,
e o pouso azul da terra que nos trae a soedade,
a paisaxe infinita de sonidos secretos.

Voltarán a nacer, coma as augas e as nubes,
lamacentas horas de noite e de tristura.
Viviremos días de sal e abatemento,
escuros fumes de tardes poeirentas,
que en seducción perversa nos depara
a caixa negra e xelada dos designios.

E unha vez máis sobreviviremos,
camiñando vieiros e ámbitos hostís,
baixo areales de cinza e intemperie,
convidándonos ao lume da concordia,
deixándonos levar por lúas tímidas
de craridade lene, concencia e terra verde.

Viviremos máxicas memorias de sorte consignada
navegando sobre o río do destino.

A Juan, Suso, Caamaño, Tino, Alfonso, Santiago,
José, Víctor, Villar, Costa, Chucho, Ángel,
"Casa Salvador", "Val de Barcala",
e algún máis que se me esquecerá...
(VERSOS DE AUSENCIA E DESAGRAVIO,2005)

Video, a nosa carroza no antroido de A Baña, pinchade o enlace

2009-03-10T22:03:00.001+01:00

http://s175.photobucket.com/albums/w123/cenlumes/ENTROIDO 2009_A Banha/?action=view&current=MVI_8592.flv

Cea Antroido 2009, tema final da verbena

2009-03-09T14:20:00.003+01:00

Festa rachada na cea...... carnaval, carnaval, carnaval febreiro.

Novas fotos

2009-03-09T12:43:00.001+01:00

Xa temos actualizada a galería con novas fotos

http://picasaweb.google.es/pacovilla04

Buscamos fotos e videos da nosa comparsa

2009-03-06T13:22:00.002+01:00

Facemos un chamamento a quen queira colaborar con nós aportando fotos ou vídeos da nosa comparsa, moita xente da comarca asidua ó antroido seguro que ten moitas , agradeceríamos que se puxera en contacto con nós na seguinte dirección de correo carnavaleirosdebarcala@gmail.com; a través da cal tamén nos podedes achegar as fotos ou videos. Gracias anticipadas pola colaboración.

O noso logo oficial deste ano

2009-03-05T19:42:00.004+01:00

Se queredes ver fotos do antroido 2009 e anteriores pinchade o enlace abaixo

2009-03-05T18:20:00.004+01:00

http://picasaweb.google.es/pacovilla04

Cea de Antroido

2009-03-05T17:42:00.001+01:00

O sábado 7 Gran cea de antroido na parrillada O Pozo en Transmonte, o que non saiba onde é que pregunte. Estará amenizada por Oswaldo e por nós tamén, como non podía ser doutra maneira.